जनकपुर । २ नम्बर प्रदेश प्रहरी कार्यालयबाट खटिएको प्रहरीको टोलीले डाँका गर्न आएको एक समूहमाथि गोली प्रहार गरेको छ । जनकपुर उपमहानगरपालिका विहारकुण्ड मन्दिरको महन्तमाथि लुटपाट गर्ने उद्देश्यका साथ नेपाल आएको भारतीय लुटेरा समूहमाथि प्रहरीले गोली प्रहार गरेको हो ।
२ नम्बर प्रदेश प्रहरी कार्यालय टोलीले भारत समस्तीपुरबाट डकैती गर्न आएको ७ जनाको समूहमाथि प्रहरीले गोली चलाएको हो । प्रहरीका अनुसार एकजना डाँकाको दुई राउन्ड तिघ्रा र एक राउन्ड खुट्टाकाे गाेलिगाँठामा गोली लागेको छ । प्रहरीले लुटेरा समूहबाट ६ राउण्ड गोली लोड गरिएको सिक्सर पेस्तोल १ थान, र एक थान कटुवा पेस्तोलसमेत बरामद गरेको छ। यस विषयमा थप अनुसन्धान भइरहेको प्रहरीले जनाएको छ ।
आफ्नो प्रतिकृया दिनुहोस्