दाङ । तुलसीपुर उपमहानगरपालिका-१२ सितलपुरबाट रुकुम मुसिकोट नगरपालिका-२ रातामाटा बस्ने २१ वर्षीय अनिल पुनमगर समेत ३ जनालाई करिब २ किलो ५ सय ग्राम लागूऔषध चरेश सहित सोमबार साँझ प्रहरीले पक्राउ गरेको छ ।
शंकास्पदरूपमा हिँडिरहेका उनीहरुलाई जिल्ला प्रहरी कार्यालय दाङबाट खटिएको प्रहरीले तलासी गर्दा उक्त लागूऔषध सहित फेला पारी पक्राउ गरेको हो ।
यसैगरी रुपन्देहीको बुटवल उपमहानगरपालिका-११ मझुवा बस्ने ४२ वर्षीय राम भगत गुप्तालाई करिब ६ किलो लागूऔषध गाँजा सहित सोमबार साँझ प्रहरीले पक्राउ गरेको छ ।
प्रहरी बिट बसपार्क र वडा प्रहरी कार्यालय बुटवलबाट खटिएको प्रहरीले गुप्ताको घर तलासी गर्दा उक्त लागूऔषध फेला पारी पक्राउ गरेको हो ।
यसैगरी मकवानपुरको हेटौंडा उपमहानगरपालिका-१० बसपार्कबाट करिब २१ किलो लागूऔषध गाँजा सहित सुनसरी ईटहरी नगरपालिका-१५ बस्ने १८ वर्षीय सागर पाण्डे र धादिङ रोराङ नगरपालिका-१ बस्ने सोनम तामाङलाई मंगलबार बिहान प्रहरीले पक्राउ गरेको छ ।
प्रहरी चौकी बसपार्कबाट खटिएको प्रहरीले काठमाडौंबाट काँकडभिट्टातर्फ जाँदै गरेको ना५ ख ४९० नम्बरको बसलाई जाँच गर्ने क्रममा उक्त लागूऔषध सहित फेला पारी उनीहरुलाई पक्राउ गरेको हो ।
आफ्नो प्रतिकृया दिनुहोस्