काठमाडौं । काठमाडौंको कोटेश्वरमा आज बिहान पेस्तोल देखाएर एकजनाको मोबाइल लुटपाटको प्रयास भएको छ ।
सिन्धुलीको तीनपाटन गाउँपालिका घर भएका २५ वर्षीय युवराज आले मगरले आफूलाई लुटपाट गर्ने प्रयास भएको प्रहरीलाई जानकारी गराएका छन् । प्रहरीले लामाको साथबाट एकथान पेस्तोल गोली बरामद गरेको छ ।
तर युवराजले भने आफू बिहान कोटेश्वर चोकमा रोकिएको अवस्थामा एकजना अज्ञात व्यक्तिले पेस्तोल देखाएर मोबाइल लुटेर गरेको बताएका छन् । उनले प्रहरीसँग भनेका छन्, “मेरो मोबाइल लुटेर जडीबुटीतिर उनीहरु भागे । मैले पिछा गरेपछि उनले मोबाइल र पेस्तोल छाडे । त्यो पेस्तोल लुटेराकै हो ।”
पेस्तोल कसले बोकेका थिए उनी को हुन भन्ने खुलेको छैन । पीडित युवराज आले मगरले पेस्तोलबारे प्रहरीलाई जानकारी गराएका थिएनन् । एक स्थानीयले प्रहरीमा खबर गरेका थिए ।
त्यसपछि प्रहरी टोलीले उनलाई सोधपुछका लागि नियन्त्रणमा लिएको छ । महानगरीय प्रहरी परिसर काठमाडौंका प्रमुख एसएसपी अशोक सिंहले घटना शंस्कापद रहेको बताए । उनका अनुसार युवराज आले मगरकै भूमिका शंकास्पद हो कि भनेर अनुसन्धान थालिएको छ ।
आफ्नो प्रतिकृया दिनुहोस्