काठमाडौं । नेपालमा थप १ हजार ३९ जनामा कोरोना भाइरस संक्रमण पुष्टि भएको छ ।
नियमित प्रेस ब्रिफिङमा स्वास्थ्य मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर १ हजार ३९ जनामा कोरोना संक्रमण देखिएको जानकारी दिए । योसँगै नेपालमा कोरोना संक्रमितको कुल संख्या ५४ हजार १५९ पुगेको मन्त्रालयले जनाएको छ ।
यस्तै बितेको २४ घण्टामा १ हजार १७३ जना कोरोना संक्रमण मुक्त भएका छन् । योसँगै हालसम्म निको हुनेको कुल संख्या ३८ हजार ६९७ पुगेको छ । यसैगरी आजसम्म देशभर सक्रिय संक्रमितको संख्या १५ हजार ११७ रहेको छ ।
यस्तै पछिल्लो २४ घण्टामा थप ९ जनाको मृत्यु भएको छ । योसँगै देशभर कोरोना भाइरसको संक्रमणबाट मृत्यु हुनेको कुल संख्या ३४५ पुगेको छ।
आफ्नो प्रतिकृया दिनुहोस्