पर्सा । वीरगंज महानगरपालिका-१२ मुर्ली चोकस्थित सडकमा स्कार्पियो दुर्घटना हुँदा एक जनाको मृत्यु र ४ जना घाइते भएका छन् ।
बा१५ च ७७७१ नम्बरको स्कार्पियो गाडी अनियन्त्रित भई बिहीबार राति दुर्घटना हुँदा गम्भीर घाइते भएका चालक बारा परमानिपुर गाउँपालिका-५ बहुअरी बस्ने आकास पटेलको नारायणी अस्पतालमा उपचारको क्रममा मृत्यु भएको जिल्ला प्रहरी कार्यालय पर्साले जनाएको छ ।
घाईतेहरुमा बिरगंज महानगरपालिका वडा न१० बस्ने १८ वर्षीय ओम पुरी, रानिघाट बस्ने १६ वर्षीय सोनु साह कानु, जिल्ला बारा फेटा गाउपालिका -१ भलुही बस्ने १८ वर्षीय धिरेन्द्र दास र बिरगंज महानगरपालिका -३० बस्ने १८ वर्षीय जयन्त अलि अन्सरी रहेको जिल्ला प्रहरी कार्यालय पर्साले जनाएको छ ।
साथै दुर्घटनामा घाइते भएका सोही गाडीमा सवार अन्य २ जनाको सोही अस्पतालमा उपचार भइरहेको छ भने १ जनालाई थप उपचारको लागि न्यूरो अस्पताल वीरगंज रिफर गरिएको छ ।
आफ्नो प्रतिकृया दिनुहोस्