काठमाडौं । रुपन्देही, बारा र धादिङका विभिन्न स्थानमा भएका छुट्टाछुट्टै सवारी दुर्घटनामा परी ४ जनाको मृत्यु भएको छ ।
प्रहरीका अनुसार रुपन्देहीको रोहिणी गाउँपालिका-३ बसन्तपुरस्थित सडकमा लु।१ ख ३९५५ नम्बरको ट्रकले लु ३६ प ३४३१ नम्बरको मोटरसाइकललाई बुधबार दिउँसो ठक्कर दिँदा गम्भीर घाइते भएका मोटरसाइकल चालक ओमसतिया गाउँपालिका-४ बस्ने २२ वर्षीय मन्जित हरिजनको मेडिकल कलेज भैरहवामा उपचारको क्रममा मृत्यु भएको छ । दुबै सवारी साधन र ट्रक चालक प्रहरीले नियन्त्रणमा लिएको छ ।
यसैगरी रुपन्देहीको बुटवल उपमहानगरपालिका-१० बेसक्याम्प चोकस्थित सडकमा बा।१८ च ४५६१ नम्बरको कारले लु।२२ प १८२३ नम्बरको स्कुटरलाई बुधबार राति ठक्कर दिँदा गम्भीर घाइते भएकी स्कुटरमा सवार सोही उपमहानगरपालिका-११ देविनगर बस्ने २३ वर्षीया सपना पौडेलको प्रादेशिक अस्पताल बुटवलमा उपचारको क्रममा मृत्यु भएको छ । स्कुटर चालकलाई प्रहरीले नियन्त्रणमा लिई हाल फरार रहेका कार चालकको खोजी कार्य गरिरहेको छ ।
बाराको कलैया उपमहानगरपालिका-२४ सखुईस्थित सडकमा पनि ना।६५ प ९३० नम्बरको मोटरसाइकल बुधबार साँझ अनियन्त्रित भई दुर्घटना हुँदा मोटरसाइकल चालक महागढिमाई नगरपालिका-११ बस्ने २२ वर्षीय गणेश साह सुनारको उपचारको क्रममा जिल्ला अस्पताल कलैयामा मृत्यु भएको छ ।
यसैगरी धादिङको थाक्रे गाउँपालिका-१ अछेतेस्थित सडकमा बा।५ ख ७९८७ नम्बरको ट्रकले सोही गाउँपालिका-१० बस्ने ३४ वर्षीय सुमन तामाङलाई बुधबार राति ठक्कर दिंदा घटनास्थलमै मृत्यु छ । ट्रक चालकलाई नियन्त्रणमा लिएको छ ।
आफ्नो प्रतिकृया दिनुहोस्