काठमाडौं । सत्तारुढ दल नेपाक कम्युनिष्ट्र पार्टी नेकपा माले का महासचिव सीपी मैनाली सवारी दुर्घटनामा परेका छन् ।
महोत्तरीको बर्दिबासस्थित रातुको पुलमा उनी चढेको बा ७ च २१२० नम्बरको कार र विपरीत दिशाबाट आइरहेको ना ४ ख ७६६८ नम्बरको पिकअफ भ्यान एक आपसमा ठोक्किएको हो ।
बर्दिबासस्थित जनसेवा अस्पतालमा उपचार भइरहेको महासचिव मैनालीलाई लिन नेपाली सेनाको हेलिकप्टर पठाएको इलाका प्रहरी कार्यालय बर्दिबासले जनाएको छ ।
मैनाली झापाबाट उनका छोरा, बुहारी, नाति र चालकसहित काठमाडौं आउँदै गर्दा दुर्घटना भएको हो । उनीहरू सबैजना घाइते भएका छन् ।
दुर्घटनामा परि मनौलीका छोरा ३० बर्षीय सरोज मैनाली, बुहारी पुजा ढुङ्गाना मैनाली, ५ बर्षीय नाती एन मैनाली र चालक रामप्रसाद पौडेल घाईते भएका हुन् ।मैनालीको टाउको र शरीरको अन्य भागमा चोट लागेको छ भने बुहारी पुजाको दुवै खुट्टा भाँचिएको प्रहरीले जनाएको छ ।
आफ्नो प्रतिकृया दिनुहोस्