काठमाडौं । राजधानीस्थित त्रिभुवन अन्तराष्ट्रिय विमानस्थलमा आगलागी भएको छ । विमानस्थलको डिपार्चरतर्फको भागमा रहेको कफी सपमा आगलागी भएको विमानस्थल प्रहरीले जनाएको छ ।
प्रहरीका अनुसार विद्युत सर्ट हुँदा आगलागी भएको हो । विमानस्थलको डिपार्चरतर्फको भागमा रहेको कफी सपमा आगलागी भएपछि विमानस्थल बन्द भएको टावरले जानकारी दिएको छ।
उक्त आगलागी नियन्त्रणका लागि चारवटा दमकलको प्रयोग गरिएको प्रहरीको भनाई छ । आगलागीबाट कुनै मानवीय क्षति भएको छैन । आगलागीबाट भएको क्षतिको विवरण आउन बाँकी रहेको छ ।
आफ्नो प्रतिकृया दिनुहोस्