बारा । जीतपुरसिमरा उपमहानगरपालिका-१५ डुमरवानाबाट अवैध लागुऔषध गाँजा सहित एक महिलालाई प्रहरीले पक्राउ गरेको छ ।
डुमरवाना बस्ने अलक बहादुर तामाङको घरमा लागु औषध गाँजा लुकाई छिपाई राखेको छ भन्ने विषेष सुचनाका आधारमा बुधबार घर खानतालसी गर्दा घर कोठा भित्र प्लाष्टिकमा लुकाई छिपाई राखेको अवैध लागु औषध गाँजा सहित ४८ वर्षीया कुमारी तामाङलाई पक्राउ गरेको हो ।
तामाङलाई नियन्त्रणमा लिई पक्राउ गरी उक्त लागु औषध गाँजा सहित निज कुमारी तामाङ्लाई इलाका प्रहरी कार्यालय सिमरा बारामा ल्याई थप अनुसन्धान कार्य भईरहेको जिल्ला प्रहरी कार्यालय बाराले जनाएको छ ।
आफ्नो प्रतिकृया दिनुहोस्