बारा । जीतपुरसिमरा उप-महानगरपालिकाबाट भन्सार छलीको सामन छुटाउन प्रहरीलाई घुस दिन खोज्ने महिला पक्राउ परेकी छन् ।
प्रहरीका अनुसार शुक्रबार विहान जीतपुरसिमरा उप-महानगरपालिका वडा नं ७ मा रहेको ईलाका प्रहरी कार्यालय जितपुर अगाडी सडक खण्डमा प्रहरी नायव निरिक्षक सागर सम्शेर जवराको कमाण्डमा बिरगंजबाट पथलैया हुदै हेटौडा तर्फ जाने यात्रु बाहक बस गाडीहरुलाई चेकजाँच गर्ने क्रममा जिल्ला पर्सा बिरगंज महनगरपालिका वडा नं।२ वस्ने ३५ वर्षीय अम्विया खातुनले बस गाडीमा भन्सार छली लुकाई छिपाई राखेको अवस्थामा कुर्ता सुरुवाल २३ पिस, थानको कपडा ७ पिस, साडी २५ पिस र सल २ पिस बरामद गर्दा कामलाई सहज गरि दिन र कपडालाई छोडी दिन भनि प्रहरीलाई लोभ प्रलोभनमा पार्ने हिसावले रु २८,०००।– घुस दिन खोज्दा उक्त पैसा र कपडा समेत बरामद गरी उनलाई पक्राउ गरेको हो ।
घुस दिन खोज्ने खातुनलाई नियन्त्रणमा लिई, घुस दिन भनि लिई आएको रकम रु २८,०००।– र निज महिलालाई थप अनुसन्धानको लागीअख्तियार दुरुपयोग अनुसन्धान आयोग हेटौडा पठाईएको जिल्ला प्रहरी कार्यालय बाराले जनाएको छ । ।
आफ्नो प्रतिकृया दिनुहोस्