काठमाडौं । चाबहिल क्षेत्र सोमबार बिहान तनावग्रस्त बनेको छ । चाबहिलमा रहेको पशुपति क्याम्पसमा अध्ययनरत विद्यार्थी सृष्टि पन्तलाई ठक्कर दिएर गम्भीर घाइते बनाएपछि विद्यार्थीहरुले गाडीमा आगजनी गर्नुका साथै सडक अवरुद्ध गरेका थिए ।
पन्तलाई सुकेधारामा बा ७ ख ५९३० नम्बरको बसले ठक्कर दिएको थियो । ठक्कर दिएर गाडी भागेपछि विद्यार्थीहरुले अन्य गाडीमा समेत तोडफोड र आगजनी गरेका थिए ।
विद्यार्थीले एउटा गाडीमा आगजनी गरेका छन् भने अर्को गाडीमा तोडफोड गरेका छन् । ठक्कर दिने गाडी र चालकलाई प्रहरीले नियन्त्रणमा लिएको छ ।
गाडीको ठक्करबाट घाइते भएकी पन्त बीबीएस चौथो वर्षमा अध्ययनरत विद्यार्थी हुन् । विद्यार्थीहरुले बा ४ ख ७१०१ नम्बरको बसमा आगजनी गरेका थिए भने बा ३ ख ४४३३ नम्बरको बसका सिसा तोडफोड गरिदिएका छन् । प्रहरीले पशुपति क्याम्पस वरपर ठुलो सँख्यामा प्रहरी परिचालन गरेको छ ।
आफ्नो प्रतिकृया दिनुहोस्