काठमाडौं । नेपालकी सन्तोषी श्रेष्ठले १३ औं दक्षिण एसियाली खेलकुद (साग) अन्तर्गत एथ्लेटिक्सको १० हजार मिटर दौडमा स्वर्ण जितेकी छिन् । त्रिपुरेश्वरस्थित दशरथ रंगशालामा सन्तोषीले ३५ मिनेट ०७.९४ सेकेण्डको समय निकालिन ।
भारतकी कविता यादवलाई ०.०१ सेकेण्डले पछि पार्दै सन्तोषीले स्वर्ण जितेकी हुन् । कविताले ३५ मिनेट ०७.९५ को समय निकालिन । कास्य जितेकी श्रीलंकाकी निलान्थी लंकाले ३५ मिनेट ५९.०२ सेकेण्डको समय निकालिन ।
साग इतिहासमा नेपालको महिला एथ्लेटिक्स खेलाडीले जितेको यो पहिलो स्वर्ण हो । सन्तोषीले आठौं राष्ट्रिय खेलकुदमा स्वर्ण जितेकी थिइन् ।
आफ्नो प्रतिकृया दिनुहोस्