सिराहा। ईलाका प्रहरी कार्यालय लाहान (क)ले प्रतिबन्धित लागुऔषध चरेस सहित दुई जनालाई पक्राउ गरेको छ। विशेष सुचनाको आधारमा ईलाका प्रहरी कार्यालयबाट खटिएको प्रहरीको टोलीले चरेस बिक्रीवितरण गर्न हिडेका २ जना मानिसलाई साढे ८ किलो (१७ पाकेट) चरेस सहित पक्राउ गरेको हो। प्रहरीले उनीहरुलाई सिराहा जिल्ला धनगढीमाई नगरपालिका वडा नं.१० बाट गएराति ९ बजे पक्राउ गरेको थियो।
प्रहरीका अनुसार पक्राउ पर्नेमा धनगढीमाई नगरपालिका वडा नं. १२ बस्ने ४० बर्षीय रामेश्वर महतो र सोहि नगरपालिका वडा नं.११ बस्ने ३६ बर्षीय रामभगत महतो रहेका छन्।
यस बिषयमा थप अनुसन्धान भईरहेको ईलाका प्रहरी कार्यालय लाहान (क)ले जनाएको छ।
आफ्नो प्रतिकृया दिनुहोस्