काठमाडौँ। महानगरीय प्रहरी प्रभाग नागढुंगाले लागुऔषध सहित ८ जनालाई पक्राउ गरेको छ। बुधबार बिहान ९ वजेको समयमा चन्द्रागिरी नगरपालिका वडा नं. २ नागढुंगा स्थित विरगंजबाट काठमाण्डौँ तर्फ आउँदै गरेको ना ७ ख २७४२ नम्बरको यात्रुबाहक बस र विराटनगरवाट काठमाडौ आएको अर्को यात्रुवाहक बस चेकजाँच गर्ने क्रममा सोही बसहरुमा यात्रा गरी आएका ८ जनाको साथबाट लुकाई छिपाई ल्याएको लागुऔषध भेटिएको हो।
प्रहरीका अनुसार पक्राउ पर्नेमा जिल्ला पर्सा विरगंज महानगरपालिका वडा नं:- ३२ घर हुने वर्ष २४ को अक्लेस दास थारु ,सोहि ठाउँका वर्ष २४ को गौरि शंकर ठाकुर , ,मुलपानी बस्ने सम्भु (सोनाम) ,जय किशोर ठाकुर, अक्लेस दास थारु र गौरि शंकर ठाकुर , वर्ष २६ को जय किशोर ठाकुर ,मुलपानि बस्ने वर्ष २४ को किरण लामा ,मोरङ्ग जिल्ला विराटनगर उ.म.न.पा वडा नं. १८ घर भएका वर्ष २५ को आनन्द गिरी र जिल्ला मोरङ्ग विराटनगर उ.म.न.पा वडा नं. १४ घर भएका वर्ष २४ को प्रकाश यादव रहेका छन्।
प्रहरीले उनीहरुको साथबाट लागुऔषध नाईट्राभेट – १४४० ट्यावलेट , ट्याबलेट, नुफिन ९९ एम्पल, डाईजेल्याब ९८ एम्पल र फेनारगन ९६ एम्पल का साथै ४.१९ ग्राम खैरो हेरोइन बरामद गरेको छ ।
आफ्नो प्रतिकृया दिनुहोस्