काठमाडौँ। बहुमूल्य जडिबुटी यार्सागुम्बा लुटपाट गर्ने गिरोह पक्राउ परेको छ । महानगरीय अपराध महाशाखाले यार्सागुम्बा खरिद गर्ने भनी बोलाएर लुटपाट गर्ने समूहलाइ पक्राउ गरेको हो ।
उनीहरूले काठमाडौंको नयाँबसपार्कस्थित एक होटलमा २४ साउनमा यार्सागुम्बा खरिद गर्ने भन्दै दीपक लामा र सुरेश सापकोटालाई बोलाएर एक किलो यार्सागुम्बा लुटपाट गरेका थिए । पक्राउ पर्नेमा बझाङका धर्म ओखेडासहित ६ जना छन् ।
यार्सागुम्बा लुटपाट भएको उजुरीपछि उनीहरू पक्राउ परेका हुन् ।
महाशाखाका अनुसार उनीहरूलाई काठमाडौंको सोह्रखट्टे, नयाँबजार र कोटेश्वरबाट पक्राउ गरिएको हो । यार्सागुम्बाको मूल्य नेपाली बजारमा प्रतिकिलो १५ लाखभन्दा माथि छ ।
आफ्नो प्रतिकृया दिनुहोस्