काठमाण्डौं। घुस रकमसहित सशस्त्र प्रहरी बल महोत्तरीका सशस्त्र प्रहरी वरिष्ठ हवलदार सरबन कुमार बस्नेत पक्राउ परेका छन् । अख्तियार दुरुपयोग अनुसन्धान आयोगको कार्यालय बर्दिवासबाट खटिएको टोलीले १५ हजार घुस रकम लिएको आरोपमा सुरक्षा वेश रामनगर, गौशालामा कार्यरत हवलदार बस्नेतलाई पक्राउ गरेको हो ।
बस्नेतले घरायसी प्रयोगका लागि काठ दाउरा लैजान सहजीकरण गरिदिएवापत सेवाग्राहीसँग घुस रकम लिएको आयोगले बताएको छ । अनुसन्धानको सिलसिलामा हवल्दार बस्नेतले घुस रकम लिएको पुष्टि भएको भन्दै आयोगले आज उनीविरुद्ध विशेष अदालत, काठमाडौँमा आरोपपत्र दायर गरेको छ ।
आफ्नो प्रतिकृया दिनुहोस्