मोरङ । उर्लाबारी नगरपालिका-१ लक्ष्मीझारका दलबहादुर लिम्बुको घरभन्दा ५ मिटर दक्षिणमा रहेको खेतबारीबाट प्रहरीले एक सय ८५ राउन्ड गोली बरामद गरेको छ।
बुधबार दिउँसो ३ बजे खेतबाट कालो रंगको प्लाष्टिकमा पोको पारिएको अवस्थामा गोली बरामद गरेको जिल्ला प्रहरी कार्यालयले जनाएको छ ।
सोही ठाउँका ५३ वर्षीय भक्तबहादुर सुवेदीले खेत खन्ने क्रममा गोली भेटाएको हो। गोली भेटिएपछि उनले प्रहरीलाई खबर गरेका थिए।
प्रहरीका अनुसार ७ः६२ एमएमको एक सय ८५ राउन्ड गोली बरामद गरेको हो। उक्त गोली एसएलआर बन्दुकमा प्रयोग हुने उनले बताए।
इलाका प्रहरी कार्यालय उर्लाबारीबाट खटिएको टोलीले सो गोली बरामद गरेको हो। प्रहरीले गोली कसले राख्यो भन्नेबारे अनुसन्धान गरिरहेको छ।
आफ्नो प्रतिकृया दिनुहोस्