बारा । आदर्शकोटवाल गाउँपालिका-४ गंगानगरबाट सिम्रौनगढ नगरपालिका-४ हरियरपुर बस्ने ६१ वर्षीय बद्री सहनीलाई १ थान नलकटुवा बन्दुक र थ्री नट थ्रीको १ राउन्ड गोली सहित आइतबार साँझ प्रहरीले पक्राउ गरेको छ ।
विशेष सूचनाको आधारमा २ नम्बर प्रदेश प्रहरी कार्यालय जनकपुरबाट खटिएको प्रहरीले सहनी सवार बा.८ प ३८११ नम्बरको स्कुटर जाँच गर्ने क्रममा सिटमुनी लुकाई राखेको उक्त हतियार सहित फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
आफ्नो प्रतिकृया दिनुहोस्