काठमाडौं । राजधानीको सिंहदरबार पूर्वीगेटमा शनिबार विहानै कार दुर्घटना भएको छ ।
शनिबार विहान अन्दाजी ५ः२० बजेतिर हनुमानथानबाट पूर्विगेट तर्फ आउँदै गरेको बा १० च ७५७६ नम्बरको कारले सोही दिसाबाट आउँदै गरेको साइकललाई ठक्कर दिएको हो ।
प्रहरीका अनुसार पूर्व न्यायाधीश युवराज सुवेधीको घर अगाडी सडकमा भएको दुर्घटनाबाट साइकल चालक गम्भिर घाइते भएका छन् । अनियन्त्रित भएर आएको कारले पत्रिका लिएर हिँडेको साइकल ब्वाईलाई ठक्कर दिएको हो ।
कारको ठक्करपछि साइकल चालक उछिट्टिएर कारकै अगाडीको सिसामा बजारिएका थिए । उनको टाउकोमा गम्भिर चोट लागेको महानगरीय प्रहरी वृत सिंहदरबारले जनाएको छ ।
घाइते भएका साइकल चालक नागरिक दैनिकको कर्मचारी रहेको पाइएको छ । ट्राफिक प्रहरीले कार चालक र त्यहाँ समलग्न रहेको यवतीको परिचय खुलाएको छैन ।
गम्भिर घाइते साइकल ब्वाईलाई राजधानीको नर्भिक अस्पतालमा भर्ना गरिएको छ । प्रहरीका अनुसार कार चालकले साइकललाई ठक्कर दिएपछि भाग्ने कोसिस गरेका थिए । तर, कारको अगाडीको सिसा नै फुटेको देखेपछि उनी त्यहीँ रोकिएका थिए ।
आफ्नो प्रतिकृया दिनुहोस्