सप्तरी । जिल्लाको अग्निसाईर कृष्णासवरन गाउँपालिका–५ बकधुवास्थित सडकबाट ५० ग्राम ब्राउनसुगर सहित २ जनालाई प्रहरीले पक्राउ गरेको छ ।
प्रहरीका अनुसार तिलाठी कोईलाडी गाउँपालिका–७ बस्ने १९ वर्षीय निरज शर्मा र सोही ठाउँ बस्ने २७ बर्षीय भरत शर्मा लाई शनिबार साँझ पक्राउ गरेको हो ।
बिशेष सूचनाको आधारमा ईलाका प्रहरी कार्यालय कञ्चनपुरबाट खटिएको प्रहरीले स ७ प १८६५ नम्बरको मोटरसाइकललाई जाँच गर्ने क्रममा उक्त बस्तु सहित फेला पारी मोटरसाइकल चालक निरज र मोटरसाइकलमा सवार भरतलाई पक्राउ गरेको हो ।
त्यस्तै प्रहरीले शनिबार साँझ सुर्खेत स्थित गुर्भाकोट नगरपालिका–८ भेडावारीस्थित पुल मुनीबाट १ सय २० मिलिग्राम अवैध लागूऔषध ब्राउनसुगर जस्तो देखिने धुलो पदार्थ सहित सोही ठाउँ भेडावारी बस्ने २६ वर्षीय रत्न परियारलाई शनिबार साँझ प्रहरीले पक्राउ गरेको छ ।
शंकास्पद अवस्थामा बसिरहेको अवस्थामा उनलाई ईलाका प्रहरी कार्यालय छिन्चुबाट खटिएको प्रहरीले जाँच गर्दा उक्त पदार्थ सहित फेला पारी उनलाई पक्राउ गरेको हो ।
आफ्नो प्रतिकृया दिनुहोस्