काठमाडौं । पछिल्लो २४ घण्टामा देशभर दुई हजार ७२२ जनामा कोभिड-१९ संक्रमण पुष्टि भएको छ। यो एकैदिन हालसम्मकै सबैभन्दा धेरै संक्रमित रेकर्ड हो।
यसअघि २०२० जनासम्म एकै दिन संक्रमित पहिचान भएको थियो। १४ हजार ७३९ जनामा पीसीआर परीक्षण गर्दा दुई हजार ७२२ जनामा कोभिड पुष्टि भएको स्वास्थ्य मन्त्रालयले जनाएको छ।
योसँगै देशभर ८२ हजार ४५० जनामा कोरोना पुष्टि भएको छ। हाल देशभर २१ हजार २३४ जना सक्रिय संक्रमित रहेका छन्। कोभिड संक्रमणबाट ६० हजार ६९६ जना निको भइसकेका छन्।
पछिल्लो २४ घण्टामा देशभर ११ जनाको मृत्यु भएको मन्त्रालयका प्रवक्ता डा जागेश्वर गौतमले जानकारी दिए। योसँगै कोभिड-१९ संक्रमितबाट मृत्यु हुनेको संख्या नेपालमा ५२० जना पुगेको छ।
आफ्नो प्रतिकृया दिनुहोस्