मोरङ । बार्ड अफ कन्ट्रोल फर क्रिकेट इन्डीयाद्वारा युएईमा आयोजना भईरहेको ईन्डीयन प्रिमियर लिग (आईपिएल) क्रिकेट खेलमा ईन्टरनेको माध्यमबाट जुवा वा सट्टेबाजी खेल खेलाउने ३ जनालाई जिल्ला प्रहरी कार्यालय मोरङले पक्राउ गरेको छ ।
पक्राउ पर्नेहरुमा विराटनगर महानगरपालिका१५ भट्टीमोड बस्ने ३८ वर्षीय मुन्ना भन्ने सत्यजित साह, विराटनगर महानगरपालिका १७ रानी बस्ने ४२ वर्षीय जगदिश साह र ३८ वर्षीय बैजनाथ साह रहेको जिल्ला प्रहरी कार्यालयले जनाएको छ ।
विशेष सूचनाको आधारमा जिल्ला प्रहरी कार्यालय मोरङबाट खटिएको प्रहरी टोलीले मंगलबार विराटनगर महानगरपालिका आ-आफ्नो घरबाट पक्राउ गरेको हो ।
प्रहरीका अनुसार मोबाईल फोन मार्फत आईपिएल हार्ने वा जित्ने भनी ईन्टरनेट मार्फत सट्टावाजी गरिरहेको अवस्थामा नियन्त्रणमा लिई जुवा वा सट्टेबाजी खेल मुद्दा अन्तर्गत थप अनुसन्धान भईरहेको छ ।
आफ्नो प्रतिकृया दिनुहोस्