काठमाडौं । विभिन्न स्थानबाट २ शिशु सहित ५ जना मृत अवस्थामा फेला परेका छन् । कोहलपुर नगरपालिका-३ मैटहवास्थित सडक छेउको नालामा सालनाल सहितको नवजात शिशु मंगलबार मृत अवस्थामा फेला परेको जिल्ला प्रहरी कार्यालय बाकेँले जनाएको छ ।
यसैगरी सम्सी गाउँपालिका-६ स्थित माछा पोखरीमा करिब ७ महिनाको नवजात शिशु मंगलबार मृत अवस्थामा फेला परेको जिल्ला प्रहरी कार्यालय महोत्तरीले जनाएको छ ।
त्यस्तै धरान उपमहानगरपालिका-६ छतिवन चोक बस्ने ३७ वर्षीय लक्ष्मण बस्नेत
घरबाट करिब ५ सय मिटर टाढा बारीमा मंगलबार मृत अवस्थामा फेला परेको जिल्ला प्रहरी कार्यालय सुनुसरीले जनाएको छ ।
यसैगरी रिप्दिकोट गाउँपालिका-२ धाराधि बस्ने ३२ वर्षीया पद्मा लाम्टाङ्गे घरबाट
करिब ३ सय मिटर टाढा सर्दैवा-हार्थोक सडकखण्डमा मंगलबार मृत अवस्थामा फेला परेको जिल्ला प्रहरी कार्यालय पाल्पाले जनाएको छ ।
त्यस्तै बागचौर नगरपालिका-७ सानागाडाकोट बस्ने ६८ वर्षीय बिक्रम डाँगी सुतेकै ठाउँमा मंगलबार मृत अवस्थामा फेला परेका छन् ।
गाईको घिउ खोज्न गएका डाँगी मावली नाता पर्ने सोही नगरपालिका-४ स्थित घरको भान्सा कोठामा सुतेकोमा बिहान मृत अवस्थामा फेला परेको जिल्ला प्रहरी कार्यालय सल्यानले जनाएको छ ।
आफ्नो प्रतिकृया दिनुहोस्