मकवानपुर । जिल्लाको मनहरी गाउपालिका-६ स्थित लोथर खोलाको बगरबाट १ सय ४ किलो लागू औषध गाँजासहित तीन जना पक्राउ परेका छन्।
पक्राउ पर्नेमा मकवानपुर राक्सिराङ गाउपालिका ९ बस्ने २६ बर्षीय कपिल भन्ने रुप खड्का ठकुरी, सोही ठाउँका ३० बर्षीय टलक बहादुर घलान र सोही ठाउँका मदन कोईराला रहेका छन्।
मंगलबार ३ बजेको समयमा प्रहरी चौकी सुनाचुरी मकवानपुरबाट प्रहरी सहायक निरीक्षक हिरालाल श्रेष्ठको कमाण्डमा खटिएको टोलीले विशेष सुचनाको आधारमा मनहरी गापा वडा नं ६ स्थित लोथर खोलाको बगरबाट उनीहरूलाई पक्राउ गरेको हो।
प्लास्टिकको बोराको भारी बनाई बोकी ल्याएको भारी चेकजाँच गर्दा लागु औषध गाँजा फेला परेपछि उनीहरूलाई पक्राउ गरिएको जिल्ला प्रहरी कार्यालय मकवानपुरले जनाएको छ।
आफ्नो प्रतिकृया दिनुहोस्