धादिङ । धादिङको ज्वालामुखि गाउँपालिका २ का वडाध्यक्ष रणबहादुर शाहीले वडा कार्यालयलाई पार्टीको अखडा बनाएका छन् ।
नेपाली कांग्रेसबाट वडाध्यक्ष निर्वाचित शाहीले वडा २ को वडा कार्यालय सातबाटोको भवनमा पार्टी सदस्यता वितरण गर्दै गरेको तस्विर नै सार्वजनिक भएको छ ।
वडा कार्यालय भवनमा बलात्कार मुद्दामा जेल सजाय समेत भोगेका उनकै पार्टीका नेता लाल बाहादुर कार्कीको रोहबरमा पार्टी प्रवेश गराउने देखि विभिन्न योजनामा ब्रम्हलुट मच्चाउँदै आएका छन् ।
शाहीले केही दिनअघि ज्वालामुखि २ कै एक बृद्धलाई पार्टी सदस्यता वितरण गरिरहेको तस्विर देख्न सकिन्छ ।
ती बृद्धसँगै उभिएका हाफ कट्टु लगाएका लाल बहादुर कार्की भने स्थानिय बालीकालाई बलात्कार गरेको अभियोगमा जिल्ला अदालत धादिङको फैसलाको आधारमा जेल सजाय भोगेका व्यक्ति हुन् ।
कार्की गत २०६८ साल बैशाखमा जिल्ला कारागार चलान भई २०७३ साल माघमा सजाय पुरा गरि रिहा भएका थिए।
उनी जिल्ला कारागार धादिङमा ५ वर्ष सम्म कारागार जीवन विताएका थिए । बलात्कार अभियोगमा पक्राउ पर्दा उनी पूर्व माओवादीको गाविस सेक्रेटरी थिए ।
माओवादी नेताहरुले जोगाउन प्रयास गर्दा पनि बलात्कार प्रमाणित नै भएपछि उनलाई ५ वर्ष जेल सजाय भएको थियो ।
जेलबाट निस्किएपछि कार्कीलाई नेपाली कांग्रेसले पार्टी प्रवेश गराएको थियो । प्रवेश गरेपछि उनलाई वडाले नै प्रधानमन्त्री स्वरोजगार कार्यक्रमको संयोजक बनाएको थियो ।
बलात्कार जस्तो जघन्य अपराध प्रमाणित भएका व्यक्तिलाई वडाध्यक्ष शाहीले अधिकांश उपभोक्ता समितिमा अघि सार्ने गरेका छन् ।
आफ्नो घरभन्दा केही तल मात्रै रहेको एक युवतीलाई बलात्कार गरेको प्रमाणित भएपछि जेल सजाय भोगेर आएका कार्कीबाट गाउँका जनता समेत त्रसित हुन थालेका छन् ।
वडा नम्बर २ मा शाही र बलात्कार अभियोग प्रमाणीत कार्की बीचको मिलेमतोमा लाखौँको योजनामा अनियमितता भएको ज्वालामुखि २ का एक स्थानियको आरोप छ । कान्तिपथबाट
आफ्नो प्रतिकृया दिनुहोस्