निजगढ । रास्वपा मधेस प्रदेशको संस्थापक सद्स्य तथा वर्तमानमा जिल्ला सह-सचिव तथा संगठन प्रमुखले रास्वपा छाडेका छन् ।
सहसचिव पवन चौधरी पार्टी कार्यालयमा राजीनामा पत्र पठाउँदै भनेका छन्, “राजनीतिमा युवा पुस्ता आउनुपर्छ” र “जान्नेलाई छान्ने” भन्ने मूल नाराले प्रेरित भई म यस पार्टीमा आवद्ध भएको थिएँ। तर आसन्न फागुन २१ गतेको निर्वाचन सम्बन्धित पार्टीले अवलम्बन गरेको पद्धति, पार्टीको निर्णय तथा कार्यशैली रास्वपाको स्थापनाकालिन मूल्य, पार्टी विधान र सार्वजनिक प्रतिबद्धताभन्दा ठिक विपरित भएको अनुभव गरेको छु।’
उनी लेख्छन्, ‘संगठनमा दिनरात खटिएका क्षेमतवान घण्टी मित्रहरूको योगदानको उचित मूल्यांकन नभएको, विधि र विधान विपरीत क्रियाकलापहरू भएको , पार्टीका सिद्धान्तहरू व्यवहारमा कार्यान्वयन नभएको र मुलत: आर्थिक अनियमितताबाट पार्टीका निर्णयहरु प्रेरित भएकोबाट मेरो आत्मसम्मान र राजनीतिक मुल्यहरु माथी आंच आउने परिस्थिति बनेको छ; यी सबै क्रियाकलापहरुको साक्षी बसेर म अब मौन रहिरहन असमर्थ छु।’
उनी २०७९ को निर्वाचनमा बारा क्षेत्र नं. ४ बाट रास्वपाबाट प्रतिनिधिसभाका उम्मेदवार समेत रहेका थिए ।
यसअघि मधेश प्रदेश सभापति ममता शर्मा, बागमती प्रदेश उपसभापति दिनेश हुमागाईँ, २०७९ की उम्मेदवार उर्मिला भुर्तेल, प्रणय राणालगायतले रास्वपा छाडेका थिए । त्यो भन्दा अगाडि मुकुल ढकाल, सुमना श्रेष्ठले पनि रास्वपा छाडेका थिए ।
आफ्नो प्रतिकृया दिनुहोस्