काठमाडौं । जारी विश्वकपमा नेपालले लगातार तेस्रो हार ब्यहोरेको छ ।
श्रीलंका र भारतमा जारी टी–२० विश्वकपमा नेपालले वेस्टइन्डिजविरुद्ध ९ विकेटको हार ब्यहोरेसँगै विश्वकपको सुपर ८ को दाैडबाट बाहिरिएको छ भने वेस्ट इन्डिज टप–८मा प्रवेश गरेको छ । टर हारेर पहिले ब्याटिङ गरेको नेपालले दिएको १३४ रनको लक्ष्य वेस्टइन्डिजले १ विकेटको क्षतिमा १५.२ ओभरमा पूरा गर्दै टप–८ मा पुगेको हो ।
नेपालले दिएको लक्ष्य पछ्याउने क्रममा वेस्टइन्डिजलका साई होप र शिम्रोट हेटमेयरले उत्कृष्ट ब्याटिङ गर्दै जित दिलाए । वेस्टइन्डिजका ब्रान्डोन किङ २२ रनमा आउट भएका थिए । होपले ६१ रन बनाए भने हेटमायरले ४६ रन बनाए ।
नेपालका लागि एकमात्र विकेट नन्दन यादवले लिएका थिए ।
त्यसअघि नेपालका दीपेन्द्रसिं ऐरीको ५८ रनको मद्दतले नेपालले निर्धारित २० ओभरमा ८ विकेटको क्षतिमा १३३ रन बनाएका थियो । त्यस्तै नेपालका लागि सोमपाल कामीले २६ रन बनाएका थिए । २३ रनमै चार विकेट गुमाएको नेपालका लागि ऐरीले उत्कृष्ट ब्याटिङ गर्दै नेपालको स्कोर १२७ सम्म पुर्याएका थिए ।
नेपालका लागि लोकेश बलमे १३ रन बनाएका थिए भने गुल्सन झा र आशिफ शेखले ११÷११ रन बनाएका थिए । त्यस्तै कप्तान रोहित पौडेलले ५ रन बनाउँदा आरिफ शेखले २ रन बनाएका थिए भने करण केसी र कुशल भुर्तेलले १/१ रन बनाएका थिए ।
यस हारसँगै नेपालले प्रतियोगितामा तीनवटै हार ब्यहोरेको छ । अब अन्तिम खेल स्कटल्याण्डसँग खेल्नेछ । पहिलो खेलमा इंग्ल्याण्डसँग ४ रनले पराजित नेपाल डेब्यू विश्वकप खेलिरहेको इटालीसँग १० विकेटको फराकिलो हार ब्यहोरेको थियो ।
आफ्नो प्रतिकृया दिनुहोस्