काठमाडौं । प्रशासनतर्फको विशिष्ट श्रेणीको रिक्त एक सचिव पदमा बढुवाका लागि ३ जना सहसचिवको नाम सिफारिस गरिएको छ ।
आइतबार लोक सेवा आयोगका अध्यक्ष माधवप्रसाद रेग्मीको अध्यक्षतामा बसेको सचिव बढुवा सिफारिस समितिको बैठकले उक्त निर्णय गरेको हो ।
बढुवाका लागि सिफारिस भएका सहसचिवमा राजेन्द्रकुमार पौडेल, कमलप्रसाद भट्टराई र इन्दु घिमिरे रहेका छन् ।
पौडेल अख्तियार दुरुपयोग अनुसन्धान आयोगमा कार्यरत छन् । उनी आयोगका प्रवक्तासमेत हुन् । भट्टराई वैदेशिक रोजगार विभागको महानिर्देशक र घिमिरे संस्कृति, पर्यटन तथा नागरिक उड्डयन मन्त्रालयकी सहसचिव हुन् ।
अब बस्ने मन्त्रिपरिषद् बैठकले एक जनालाई सचिवमा बढुवा गर्ने निर्णय गर्नेछ ।
वरीयता नमिची बढुवा भए पौडेल सचिवमा बढुवा हुनेछन् ।
आफ्नो प्रतिकृया दिनुहोस्