काठमाडौं । आज २०८२ साल मंसिर २९ गते सोमबार तदनुसार सन् २०२५ डिसेम्बर १५ तारिख । पुष कृष्ण पक्षको एकादशी तिथि । नक्षत्र अनुसार १२ वटा राशि हुन्छन् । चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ । सोमबारका लागि ज्योतिष पण्डित सूर्यनाथ लुइटेलले तयार पार्नुभएको आजको फलादेश :
मेष : दिन राम्रो छ । पठनपाठनमा रुची बढ्नेछ । स्वास्थ्यमा सुधार हुनेछ । आम्दानीका स्रोत खुल्नेछन् । लगानी गरेको भए फाइदा हुनेछ । स्वदेशमा भन्दा विदेशमा आकर्षण बढ्नेछ । लगानी भए स्वदेशमा फाइदा हुनेछ ।
वृष : साना कुराले मनमा झन्झट बढ्नेछ । राज्यको तर्फबाट भय हुने भएकाले व्यवहार गर्दा सचेत बन्नुपर्नेछ । गोपनीयतालाई सुरक्षित गर्नुपर्ने दिन छ । परिवारसँगको सम्बन्ध सुमधुर बन्नेछ ।
मिथुन : दिन राम्रो छ । लगानीका क्षेत्र सबल छन् । दैनिक काममा भन्दा व्यापारमा फाइदा हुनेछ । कतै घुम्न जाने याेग छ । परिवारसँगको सम्बन्ध सुमधुर बन्नेछ ।
कर्कट : दिन सहज बन्नेछ । मन शान्त हुनेछ । आफूभन्दा ठुला व्यक्तिको सुझाव लिएर अगाडि बढेमा दैनिकी सहज बन्नेछ । कृषि र पशुपन्छीको क्षेत्रमा लगानी गरेको भए राम्रो आम्दानी हुनेछ ।
सिंह : दिन राम्रो छ । लगानीका स्रोत फैलिने देखिन्छ । सानो लगानी भए पनि आम्दानी बढ्नेछ । बोली र व्यवहारमा एकरुपता नहुँदा खटपटी बढ्नेछ । प्रेम सम्बन्ध सुमधुर बन्नेछ । साथीको सहयोगले महत्त्वपूर्ण काम बन्नेछ ।
कन्या : धनलक्ष्मी योग परेकाले सदुपयोग गर्नुहोला । शिक्षाको क्षेत्रमा सफलता मिल्नेछ । परीक्षामा राम्रो नतिजा प्राप्त हुनेछ । राजनीतिक क्षेत्रमा विपक्षी सक्रिय भएकाले सचेत बन्नुपर्नेछ । परिवारसँगको सम्बन्ध राम्रो बन्नेछ ।
तुला : मनमा खुशी मिल्नेछ । गुरुबाट लिएको सुझावले भविष्य बन्नेछ । आफूभन्दा ठुला व्यक्तिको सुझाव अनुसार काम गर्नु राम्रो हुनेछ । बिहान उठेर पिपलको दर्शन गर्नु राम्रो हुनेछ ।
वृश्चिक : दिन सामान्य छ । सहयोगी भन्दा विरोधी साथीहरु धेरै भएकाले व्यवहार गर्दा सचेत बन्नुपर्नेछ । बन्धुले साथ नदिने हुनाले विश्वास नगर्नु राम्रो हुनेछ । परिवारको साथ र सहयोग भने निरन्तर प्राप्त हुनेछ ।
धनु : आज मिष्ठान्न भोजन हुनेछ । पूराना साथीभाइसँगको भेटले मनमा खुसी मिल्नेछ । गुम्न लागेको धन हात लाग्नेछ । सामाजिक संघ संस्था र राज्यको तर्फबाट प्राप्त अवसरको सदुपयोग गर्नुपर्नेछ । बोली र व्यवहारमा एकरुपता नहुँदा परिवारमा भने खटपटी बढ्नेछ ।
मकर : शिक्षाको क्षेत्रमा उदय हुनेछ । स्वास्थ्य सबल छ । वैदेशिक क्षेत्रमा गरेको लगानी सफल बन्नेछ । परिवारले भने तपाईंमाथि शंका गर्नेछ ।
कुम्भ : आफन्तको सहयोग मिल्नेछ । रोगसँग लड्ने क्षमता बढ्नेछ । साथीमाइले सहयोग गर्नेछन् । वैदेशिक रोजगारीबाट आम्दानी हुनेछ ।
मीन : दिन सामान्य छ । आफन्तले धोका दिने दिन छ । गोपनीयता सुरक्षित गर्नु राम्रो हुनेछ । स्वास्थ्यको क्षेत्रमा गरेको लगानीबाट फाइदा हुनेछ । घरको र भन्दा अपरिचित व्यत्तिले प्रशंसा गर्ने योग छ । खानपानमा ख्याल नगर्दा स्वास्थ्यमा भने समस्या हुनसक्छ ।
आफ्नो प्रतिकृया दिनुहोस्