कैलाली । गोदावरी नगरपालिका–५, गेटास्थित भित्री सडकमा विद्यालयको बसको ठक्करबाट एक बालकको मृत्यु भएको छ।
कञ्चनपुरको कृष्णपुर–४ निवासी ४४ वर्षीय पतिराम डगौराले चलाइरहेको विद्याभूषण पब्लिक स्कुलको से १ क ११८२ नम्बरको बसले सोही दिशातर्फ साइकल चलाइरहेका १३ वर्षीय अनुप महरालाई ठक्कर दिएको प्रहरीले जनाएको छ।
गम्भीर घाइते भएका महरालाई तत्काल उपचारका लागि धनगढीस्थित मायामेट्रो अस्पताल पुर्याइए पनि चिकित्सकहरूले मृत घोषित गरेका छन्।
घटनापछि बस चालकसहित सवारी साधनलाई प्रहरीले नियन्त्रणमा लिएर आवश्यक अनुसन्धान अघि बढाएको जनाएको छ।
आफ्नो प्रतिकृया दिनुहोस्