काठमाडौं । सहसचिव वैकुण्ठप्रसाद अर्यालको नाम सचिव बढुवाका लागि सिफारिस भएको छ । लोकसेवा आयोगका अध्यक्ष माधवप्रसाद रेग्मीको अध्यक्षमा बसेको सचिव बढुवा सिफारिस समितिले प्रशासन सेवातर्फ रिक्त सचिवमा ज्येष्ठताका आधारमा अर्याललाई बढुवा गर्न सिफारिस गरेको हो ।
राष्ट्रिय योजना आयोगमा कार्यरत सचिव गोकर्णमणि दुवाडी मङ्सिर ९ गते रातिदेखि सचिव पदको पाँच वर्षे सेवाअवधि पूरा गरेर अनिवार्य अवकाशमा गएपछि रिक्त प्रशासन सेवाको सचिवमा ज्येष्ठताका आधारमा सहसचिव अर्यालको नाम सिफारिस गरिएको संघीय मामिला तथा सामान्य प्रशासन मन्त्रालयको बढुवा शाखाले जानकारी दिएको छ ।
सचिव बढुवा सिफारिस समितिमा सामान्य सचिव सदस्य सचिव हुन्छन् ।
अर्याल ज्येष्ठ सहसचिव भएकाले बढुवाका लागि एकल सिफारिसमा परेको मन्त्रालयले जानकारी दिएको छ । स्रोतका अनुसार सोमबार (भोलि) बस्ने मन्त्रिपरिषद् बैठकबाट अर्याललाई सचिवमा बढुवा गर्ने तयारी छ ।
आफ्नो प्रतिकृया दिनुहोस्