काठमाडौं । पछिल्लो समय राजधानीमा ट्राफिक जाम बढ्दै गइरहेको छ ।
पिकआवरमा सवारी साधनको जाम बढेपछि जाम हटाउनका लागि जिम्मेवारी पाएको उपत्यका ट्राफिक महाशाखाका प्रमुख प्रहरी बरिष्ठ उपरिक्षक (एसएसपी) नवराज अधिकारी आँफैं सडकमा खटिएका छन् ।
उपत्यकामा कार्यालय समयमा अत्याधिक सवारी चाप बढ्ने गरेको छ । बिहान र बेलुका सवारीको अत्याधिक चाप बढेपछि ट्राफिक प्रहरीलाई व्यवस्थापनमा कठिनाई हुँदै गइरहेको छ ।
सोही तथ्यलाई मध्यनजर गर्दै एसएसपी अधिकारी राजधानीको बढी जाम हुने कमलपोखरी क्षेत्रमा सडकमै खटिएका छन् ।
यसरी एउटा उच्च अधिकृतले पनि तल्ला तहका कर्मचारीसँगै कार्यस्थलमा खटिनुलाई सकारात्मक रुपमा लिने गरिएको छ । जसका कारण तल्ला तहका कर्मचारीहरुको मनोबल उच्च हुन्छ । सोही कुरालाई पनि मध्यनजर गर्दै एसएसपी बेलाबखत आफैं सडकमा ड्युटी गर्ने गर्दछन् ।
उपत्यकाका कोटेश्वर, बानेश्वर, माइतीघर, त्रिपुरेश्वर, कलंकी, महाराजगञ्ज, पुतलीसडक, कमलपोखरी, सुन्धारा, न्यूरोड, जमललगायतका क्षेत्रमा कार्यालय समयमा अत्याधिक जाम हुने गरेको छ ।
उपत्यका प्रहरी कार्यालयको जिम्मेवारी लिएपछि एसएसपी अधिकारीले ट्राफिक जनशक्ति कम रहेको बेला आफैं सडकमा खटिँदै आउने गरेका छन् ।
आफ्नो प्रतिकृया दिनुहोस्