ललितपुर । ललितपुरको ईमाडोल एरियाबाट प्रतिबन्धित दुर्लभ रेड पाण्डाको छाला सहित ६ जनालाई प्रहरीले पक्राउ गरेको छ ।
पक्राउ पर्नेहरुमा सिन्दुपाल्चोक जिल्ला जुगल गाउँपालिका बस्ने ४३ वर्षीय सुनिल गोले, सिन्धुपाल्चोक जिल्ला बलेफी गाउँपालिका घर भई हाल भक्तपुरको ठिमि बस्दै आएका २४ वर्षीय प्रकाश तामाङ, भोजपुर जिल्ला ट्याम्केमैया गाउँपालिका घर भई ललितपुरको टिकाथली बस्दै आएका ४१ वर्षीय सन कुमार राई, खोटाङ जिल्ला दिक्तेल नगरपालिका घर भई हाल ललितपुरको टिकाथली बस्दै आएका १८ वर्षीय सोनाम राई, ताप्लेजुङ जिल्ला फक्तङलुङ गाउँपालिका घर भई हाल ललितपुरको ईमाडोल बस्दै आएका ३५ वर्षिय दिपक लिम्बु र सिन्धुली जिल्ला तिनपाटन गाउँपालिका घर भई हाल ललितपुरको ईमाडोल बस्दै आएका २४ वर्षीय अम्बर बहादुर तामाङ रहेका छन् ।
महानगरीय अपराध महाशाखाबाट खटि गएको बिशेष अनुसन्धान टोलीले उनिहरुलाइ गत सुक्रबार ललितपुरको मल्लाहालक्ष्मी नगरपालिका ४ ईमाडोल स्थित दिपक लिम्बुको कोठाबाट ३ फिट ३ ईन्च लम्बाई र १ फिट चौडाई भएको रेड छाला सहित पक्राउ गरेको हो ।
आफ्नो प्रतिकृया दिनुहोस्