काठमाडौं । महानगरीय प्रहरी परिसर ललितपुरले अपहरित आठ वर्षीय बालकको साढे दुई घण्टामा उद्दार गरेको छ ।
सोमबार साँझ साडे ७ बजे ललितपुरको इमाडोलबाट आठ वर्षीय बालक अनोख साहको अपहरण भएको थियो ।
उक्त अपहरणको खबर प्राप्त हुनासाथ महानगरीय प्रहरी परिसर ललितपुरबाट खटि गएको प्रहरी टोलीले सोमबार राति १०ः२० बजे ललितपुरकै हरिसिद्धिबाट उक्त बालकको उद्धार गरिएको महानगरी प्रहरी परिसर ललितपुरका प्रमुख प्रहरी बरिष्ट उपरिक्षक (एसएसपी) टेक प्रशाद राईले जानकारी दिए ।
एसएसपी राईका अनुसार बालकलाई सकुशल उद्दार गरिएको र बालकको साथबाट अपहरणमा संलग्न रहेको अभियोगमा प्रहरीले सर्लाही घर भएका राजु कार्कीसहित तीजनालाई नियन्त्रणमा लिएको छ ।
आफ्नो प्रतिकृया दिनुहोस्