काठमाडौं । कैलालीको जुगेडास्थित अस्थायी प्रहरी चौकीबाट सीमा क्षेत्रमा गस्तीमा निस्किएका एक प्रहरीलाई तस्कर समुहले हत्या गरेका छन् भने एक प्रहरी अझै सम्पर्कविहीन छन् ।
मोटरसाइकलमा गएका उनीहरुमध्ये एकजनाको शव मोहना नदीमा फेला परेको सुदूरपश्चिम प्रदेशका डीआईजी उत्तमराज सुवेदीले जानकारी दिए । उनले भने, “शव पानीमा डुबेको छ । तर प्रहरी पोसाकमै भएकाले प्रहरी नै हो भन्ने खुलेको छ । अर्का एकजना फेला परेका छैनन् ।”
प्रहरी अधिकारीले तस्कर समूहले प्रहरीको हत्या गरी पानीमा फालेको हुनसक्ने आशंका गरेका छन् । प्रहरी टोली घटनास्थलमा रहेको र थप अनुसन्धान जारी रहेको डीआइजी सुवेदीले बताए ।
दुवैजना गएराति गस्तीमा निस्किएको र त्यसपछि सम्पर्कविहीन भएपछि अन्य प्रहरी टोली खोजीमा निस्किँदा एकजनालाई मृत अवस्थामा फेला पारेको थियो।
आफ्नो प्रतिकृया दिनुहोस्