सुनसरी । जिल्लाको धरान उपमहानगरपालिका-१ स्थित पुरानो बजारबाट अवैध लागुऔषध सहित दुई जनालाई प्रहरीले पक्राउ गरेको छ ।
विशेष सुचनाका आधारमा हिजो राती पौने ९ बजे ईलाका प्रहरी कार्यालय धरानबाट खटिएको प्रहरी टोलीले २३ बर्षीय गणेश राउत र ४३ बर्षीय निरज भट्टराईलाई उनिहरुकै कोठाबाट नियन्त्रणमा लिएको हो ।
नियन्त्रण पश्चात उनिहरुको कोठामा खानतलासी गर्दा लुकाई छिपाई राखीएको २० बोतल डाइलेक्सडिसी, ३०६ क्याप्सुल स्पामो टोक्सिभन , ४ क्याप्सुल नाईट्रोजन र नगद ९७ हजार रुपैया समेत फेला पारी बरामद गरिएको जिल्ला प्रहरी कार्यालय सुनसरीले जनाएको छ ।
पक्राउ परेका दुबै जना सोही स्थानमा कोठा भाँडा लिएर बस्दै आएको खुल्न आएको छ ।
आफ्नो प्रतिकृया दिनुहोस्