दाङ । जिल्लाको लमही नगरपालिका वडा नं.९ अमिलिया बजारबाट गएराति सादा पोशाकका प्रहरीले डलर देखाएर ठगी गर्ने ३ जनालाई पक्राउ गरेको छ ।
पक्राउ पर्नेमा एकजना बाँकेको कोहलपुरका पुरुष, एक जना धादिङकी महिला र अर्का एक जना हेटौंडाका पुरुष रहेको प्रहरीले जानकारी दिएको छ।
उनीहरुले बाहिर–बाहिर अमेरिकी डलर र त्यसभित्र सबै कागज मिलाएको बण्डल बनाएर डलर साट्ने नाममा सर्वसाधारणलाई ठग्दै आएको प्रहरीले बताएको छ।
सर्वसाधारणलाई झुक्याएर ठगी गर्दै आएको थाहा पाएपछि प्रहरी आफैं ग्राहक बनेर उनीहरुलाई पक्राउ गर्न सफल भएको हो। ‘हामीसँग उनीहरुको डिल भए ८ लाख रुपैयाँ लिएर अमिलिया पुगेका थियौँ’ एक प्रहरी अधिकारीले भने ‘उनीहरुले कागजको बण्डलमा बाहिर–बाहिर अमेरिकी डलेर राखेर भित्र सबै कागज राखेको अवस्थामा पक्राउ परे।’
प्रहरीका अनुसार उनीहरु सस्तोमा डलरी सटही गरिदिने भन्दै बाँकेबाट सार्वजनिक गाडी चढेर अमिलिया आएका थिए।
आफ्नो प्रतिकृया दिनुहोस्