स्याङ्जा । जिल्लाको वालिङ नगरपालिका १४ तमादिमा पहिरोले घर पुरिँदा ५ जनाको मृत्यु र १ जना घाइते भएका छन् ।
प्रहरीका अनुसार माया नेपालीको घर माथिबाट पहिरो आई घर र गोठ पुरिएर घर धनि ४८ वर्षीय माया नेपाली सहित २७ वर्षीया उमाकला नेपाली, ३० वर्षीय दिपक नेपाली, ६० वर्षीया सानि नेपाली र ९ वर्षीय विवष नेपालीको मृत्यु भएको हो ।
सोही स्थान बस्ने १६ वर्षीया मनिषा नेपालीको अवस्था सिरियस भएको र उपचारको लागि वालिङ पठाईएकोमा थप उपचारको लागि पोखरा पठाईएको जिल्ला प्रहरी कार्यालयले जनाएको छ ।
हालसम्म उक्त घरमा १० जना रहेको भन्ने खुल्न आएको र अन्य हराईरहेका व्यक्तिहरुको उद्दार तथा खोजिकार्य भईरहेको जिल्ला प्रहरी कार्यालय स्याङ्जाले जनाएको छ ।
आफ्नो प्रतिकृया दिनुहोस्