काठमाडौं । प्रधानमन्त्रीनिवास बालुवाटामा नेकपाका अध्यक्षद्वय केपी शर्मा ओली, पुष्पकमल दाहाल प्रचण्ड र वरिष्ठ नेता माधवकुमार नेपालबीच भेटवार्ता जारी छ ।
तीन नेताबीच बिहान ११ः४० देखि वार्ता भइरहेको प्रचण्डका प्रेस सल्लाहकार विष्णु सापकोटा जुगलले बताएका छन् ।
“उहाँहरूबीच ११ः४० देखि वार्ता भइरहेको छ । संवाद अझै जारी छ,” सापकोटाले भने । बुधबारको छलफल निष्कर्षमा पुग्न नसकेपछि प्रचण्डले आफैं नेता नेपाललाई पनि वार्तामा सहभागी गराउनुपर्नेमा जोड लगाएका थिए ।
आजसमेत गरी ओली–प्रचण्ड स्थायी कमिटी बैठकयता सातपटक वार्तामा बसेका छन् । तर, बैठक उपलब्धिशून्य रहँदै आएको छ ।
दुई अध्यक्ष संवादमै रहेकाले स्थायी कमिटी बैठक असार १६ गतेयता अवरूद्ध छ । भोलिका लागि तय गरिए पनि स्थगित हुने सम्भावना रहेको स्रोतले जानकारी दियो ।
आफ्नो प्रतिकृया दिनुहोस्