काठमाडौं । पछिल्लो २४ घण्टामा नेपालमा थप ११६ जनामा कोरोना भाइरसको संक्रमण देखिएको छ।
आज थपिएकासहित नेपालमा संक्रमितको संख्या १७ हजार १७७ जना पुगेको छ। बुधबार थप ६९७ जना कोरोना संक्रमणमुक्त भएका छन्।
योसहित नेपालमा हालसम्म ११ हजार २५ उपचारपछि निको भएका छन्।
नेपालमा कुल संक्रमितमध्ये ६४ दशमलव २ प्रतिशत निको भएको मन्त्रालयका प्रवक्ता डा जागेश्वर गौतमले जानकारी दिए।
मंगलबारसम्म नेपालमा ३८ जना कोरोना संक्रमितको मृत्यु भएको जानकारी मन्त्रालयले दिएको छ।
बुधबार ५ हजार ९० जनाको कोरोना परीक्षण भएको छ। हालसम्म २ लाख ९८ हजार ८ सय २९ जनाको कोरोना परीक्षण भएको हो।
२४ हजार ५ सय २७ जना क्वारेन्टाइनमा छन् भने ६ हाजर १ सय १३ जना आइसोलेसनमा रहेको मन्त्रालयले जानकारी दिएको छ।
आफ्नो प्रतिकृया दिनुहोस्