कास्किी । पोखरा महानगरपालिका-२ स्थित सहारा अस्पतालबाट अपहरण तथा शरीर बन्धकको अभियोगमा ४ जना पक्राउ परेका छन् ।
पक्राउ पर्नेहरुमा कास्की जिल्ला अन्नपुर्ण गाँउपालिका-१० घर भई हाल अन्नपुर्ण गाउँपालिका-३ बस्ने २४ वर्षीय कपिल गुरुङ, २२ वर्षीय योगेश थकाली, माछापुच्छ्रे गाउँपालिका-७ घर भई हाल अन्नपुर्ण गाउँपालिका-३ बस्ने १९ वर्षीय पुकार गुरुङ र अन्नपुर्ण गाउँपालिका-३ बस्ने १८ वर्षीय सुशल गुरुङ रहेका छन् ।
बुधबार विहान पोखरा स्थित सहारा अस्पतालको अगाडिबाट नीलो रंगको कारमा आएका ४ जना व्यक्तिहरूले एक जना वालिकालाई जबरजस्ती गाडीमा राखेर लेकसाईड स्थित एक होटलमा लगी करणी सम्बन्धी कसूर गरेको सूचनाका आधारमा जिल्ला प्रहरी कार्यालयबाट खटिगएको प्रहरी टोलीले पक्राउ गरेको जिल्ला प्रहरी कार्यालयका प्रहरी उपरिक्षक जिवन श्रेष्ठले जानकारी दिए ।
घटनामा संलग्न व्यक्तिहरू र घटनामा प्रयोग भएको नीलो रंगको ग १ च ७७४५ नम्बरको सवारी साधनको खोजतलास गर्ने क्रममा बुधबार पोखरा १८,लामागाँउबाट सो सवारीसाधन सहित नियन्त्रणमा लिई थप अनुसन्धानप्रक्रिया अगाडि बढाईएको प्रहरी उपरिक्षक श्रेष्ठले वताए ।
आफ्नो प्रतिकृया दिनुहोस्