काठमाडौं । सत्तारूढ दल नेपाल कम्युनिस्ट पार्टी (नेकपा) की सांसद गंगा चौधरीले महिलाभन्दा पुरुषहरु धेरै पीडित भएको बताएकी छन् ।
महिला तथा बालबालिका समितिमा राष्ट्रिय महिला आयोगको वार्षिक प्रतिवेदनमाथिको छलफलका क्रममा उनले यस्तो बताएकी हुन् ।
‘‘महिला मात्र होइन पुरुष झन् बढी पीडित छन् । उनीहरूले भन्न नसकेको मात्र हो । महिला अधिकारको दुरुपयोग पनि भएको छ,’’ सांसद चौधरीले भनिन् ।
उनले श्रीमान् विदेशमा गएका बेला अर्कै पुरुषसँग हिँड्ने महिला पनि हाम्रै समाजमा रहेको भन्दै महिलाबाट पनि पुरुष पीडित भइरहेको बताइन् ।
आफ्नो प्रतिकृया दिनुहोस्