काठमाडौं । प्रहरी वरिष्ठ उपरीक्षक (एसएसपी) बाट प्रहरी नायब महानिरीक्षक (डीआईजी) मा बढुवा हुने १० जना प्रहरी अधिकारीले दर्ज्यानी चिन्ह लगाएका छन् ।
उनीहरूलाई प्रहरी प्रमुख आईजीपी ठाकुरप्रसाद ज्ञवालीले प्रहरी प्रधान कार्यालयमा आयोजित एक कार्यक्रमकाबीच दर्ज्यानी चिन्ह लगाइदिएका हुन् ।
बढुवाहुने डीआईजीहरूमा घनश्याम अर्याल, प्रकाशजंग कार्की, ईश्वरबाबु कार्की, वसन्त पन्त, सहकुल थापा, धीरजप्रताप सिंह, वसन्त लामा, उत्तम सुवेदी, रवीन्द्र धानुक र अरुण बिसी रहेका छन् ।
उनीहरूलाई गत २८ चैतमा एसएसपीबाट डीआईजी बढुवामा सिफारिस भएका थिए । दर्ज्यानी चिन्ह लगाएसँगै उनीहरूको पदस्थापनको तयारी भएको छ । सोमबार नै उनीहरूको पदस्थापना गर्ने तयारी गृह मन्त्रालयको छ ।
हाल २ नम्बर प्रदेश प्रहरी कार्यालय बाहेक अन्य प्रदेश प्रहरी कार्यालय डीआईजी बिहीन छन् ।
आफ्नो प्रतिकृया दिनुहोस्