काठमाडौं । बाराका पत्रकार वीरेन्द्रकुमार साहको हत्याका मुख्य योजनाकार कु्न्दन फौजदार १२ वर्षपछि पक्राउ परेका छन् । फौजदारलाई शनिबार राति २ बजे प्रहरीले पक्राउ उनकै घरबाट पक्राउ गरेको छ ।
फरार रहेका बारागढी गाउँपालिकाको गडहल निवासी फौजदारलाई पक्राउ गर्ने बेलामा प्रहरीले ४ राउन्ड हवाई फायर गर्नु परेको थियो । बाराका प्रहरी उपरीक्षक कृष्ण पंगेनीका अनुसार हवाई फायरपछि उनलाई नियन्त्रणमा लिइएको हो ।
पगेनीका अनुसार प्रहरीको चौथों प्रयासमा फौजदार पक्राउ परेका हुन् । साहको हत्यामा ५ जना संलग्न भएको र मुख्य योजनाकार फौजदार रहेको पगेनीले बताए । फौजदार अदालतमा हाजीर नभएकाले उनको मुद्दा मुल्तवीमा थियो ।
फैजदार तत्कालीन माओवादी कार्यकर्ता:-
एभिन्यूज टेलिभिजनमा कार्यरत साहलाई २०६४ असोज १८ गते पिपरा बजारबाट अपहरण गरी शान्ति सम्झौतामा आइसकेका तत्कालीन नेकपा (माओवादी)ले टाँगिया बस्ती जंगलमा लगेर हत्या गरेको थियो।
हत्यारामध्येका दुई जना फरार छन्। फौजदारसहितका केही माओवादी कार्यकर्ताले पत्रकार साहलाई चरम यातना दिएर हत्या गरेका थिए । फौजदारलाई अदालत बुझाइने एसपी पंगेनीले जानकारी दिए ।
आफ्नो प्रतिकृया दिनुहोस्