एजेन्सी । चिनको वुहानबाट सुरु भई विश्वभर फैलिरहेको नोबेल कोरोना भाइसर (कोभिड १९) को संक्रमणबाट इरानमा पैदा भएको संकटबीच लामो समयदेखिको दुश्मन अमेरिकाले मानवीय सहायतको प्रस्ताव गरेको थियो । इरानले उक्त प्रस्ताव अस्विकार गरेको छ ।
मध्यपूर्वमा इरान कोरोना भाइरसको संक्रमणबाट सबैभन्दा धेरै प्रभावित छ । कोरोना भाइरसको प्रकोपसँग जुध्न अमेरिकाले गरेको सहायता प्रस्ताव इरानले अस्वीकार गरेको हो । मध्य–पूर्वमा इरान कोरोना भाइरसको संक्रमणबाट सबैभन्दा बढी प्रभावित छ ।
२१ हजार ६ सय ३८ जनामा कोरोना भाइरसको संक्रमण देखिएको छ । जबकी १६ सय ८५ को मृत्यु भइसकेको छ । अमेरिकी राष्ट्रपति डोनल्ड ट्रम्पले सन् २०१८ मा इरानसँगको सन् २०१५ मा भएको परमाणु सम्झौता खारेजगरेदेखि यी दुई राष्ट्रबीच तनाव बढ्दो छ । अमेरिकाले इरानमाथि विभिन्न प्रकारका प्रतिबन्ध लगाएको छ ।
अमेरिकाले मद्दत प्रस्ताव गर्दा इरानका सर्वोच्च नेता अयतोल्लाह खामेनईले भने, ‘अमेरिकाले कोरोना भाइरसबीच विभिन्न पटक मद्दतको प्रस्ताव गरेको छ । अचम्म छ किनभने अमेरिका आफैं पनि विभिन्न कमीसँग जुधिरहेको छ । अर्कोतर्फ उनीहरुमाथि यो भाइरस उत्पत्ति गरेको आरोप पनि छ । ’
खामेनेईले थपे, ‘वास्तविकता के हो, हामीलाई थाहा छैन । तर यस्तो आरोप प्रत्यारोपका बीच एक बुद्धिमान व्यक्तिले के तपाईंमाथि विश्वा गर्न गर्छ रु तपाईंको प्रस्ताव स्विकार गर्न सक्छ रु तपाईंले इरानमा थप संक्रमण फैलने औषधी पनि दिनुभएको हुनसक्छ ।’
यसैे वर्ष जनवरी ३ तारिखमा डोनल्ड ट्रम्पको आदेशमा अमेरिकी सैनिकले ड्रोन हमलामार्फत् इरानका रिभोल्युशनरी गार्डस्का शीर्ष कमान्डर कासीमा सुलेमानीको हत्या गरिएको थियो । उक्त घटनापछि यी दुई देशबीच तनाव थप चर्किएको छ । खामेनेईले भने, ‘अमेरिका हाम्रो लागि नम्बर वन दुश्मन हो । अमेरिका हाम्रो सबैभन्दा कट्टर दुश्मन हो । अमेरिकाका नेता झुटा र धेकेबाज हुन् ।’
इरानमा कोरोना भाइरसको महामारी फैलिएका बेला अमेरिकी प्रतिबन्धका कारण लडाईं कमजोर भएको उनले बताएका छन् । इरानका राष्ट्रपति हसन रुहानीले अमेरिकी नागरिकलाई यो समस्याको घडीमा आफ्नो सरकारलाई प्रतिबन्ध हटाउन माग गरदिन आग्रह गरेका छन् । चीनले पनि अमेरिकालाई कोरोना भाइरसको संक्रमणका कारण इरानलाई प्रतिबन्धबाट मुक्त गरिदिन आग्रह गरेको छ ।
आफ्नो प्रतिकृया दिनुहोस्