काठमाडौं । धादिङका हिमेश पन्तले कमेडी च्याम्पियन जितेका छन् । शनिबार सार्वजनिक भएको अन्तिम नतिजा अनुसार उत्कृष्ठ तीनमा पुगेका रोल्पाका खड्ग बहादुर पुन र सुमन कोइरालालाई पछाडी पार्दै हिमेशले पहिलो कमेडि च्याम्पियन उपाधी हाँसिल गर्न सफल भएका हुन् ।
करिब ३ महिना अघि देखि कान्तिपुर टेलिभिजनमार्फत प्रसारण भइरहेको नेपालकै पहिलो हाँस्यब्यंग्य रियालिटी शो ‘कमेडी च्याम्पियन’ मा हिमेशले लजिकल कमेडियनको रुपमा आफ्नो परिचय बनाएका थिए । उनको प्रस्तुतीमा नेपालको समसामयिक राजनीतिक अवस्था र सामान्य नागरिकले भोग्नु पर्ने समस्यालाई स्ट्याण्ड अप कमेडि मार्फत जोडदार रुपमा उठाउँदै आएका थिए ।
रियालिटी शो ‘कमेडी च्याम्पियन’ मा निर्णायक हैसियतमा सन्तोष पन्त, मनोज गजुरेल, प्रदीप भट्टराई र रिचा शर्मा रहेका छन् ।
उत्कृष्ठ तीनमध्य भोटिङको आधारमा हिमेश विजेता चुनिएका हुन् । विजय भइसकेपछि उनले नगद २५ लाख र कार पुरस्कार स्वरुप प्राप्त गरेका छन् । उनले कमेडी च्याम्यिनको टिमसँग वर्ल्ड टुर गर्ने अवसर समेत पाउने छन् ।
पृथक रियालिटी शो कमेडी च्याम्पियन नेपालमा निकै लोकप्रिय समेत बनेको थियो । विशाल भण्डारी,नायिका केकी अधिकारी, रिमा विश्वकर्मा लगायत कमेडी च्याम्पियनका निर्माता हुन् ।
आफ्नो प्रतिकृया दिनुहोस्