काठमाडौं । त्रिभुवन अन्तर्राष्ट्रिय विमानस्थल गौचरबाट अवैध लागूऔष चरेश ५ सय ग्राम सहित चितवन रत्ननगर नगरपालिका-५ ठेगाना भएका २६ वर्षीय संजय महतोलाई आइतबार राति प्रहरीले पक्राउ गरेको छ ।
आरए २३९को उडानबाट दोहा कतार जान लागेका उनलाई उक्त विमानस्थलको प्रस्थानतर्फको चेकिङ एरियामा जाँच गर्ने क्रममा झोलामा लुकाइछिपाई राखेको उक्त परिमाणको लागूऔषध सहित फेला पारी उनलाई पक्राउ गरेको हो ।
साथै महोतोलाई नियन्त्रणमा लिई थप अनुसन्धान गर्ने क्रममा उनलाई उक्त लागूऔषध सहितको झोला दिने सप्तरी सुरुङ्गा नगरपालिका-३ ठेगाना भएका ३० वर्षिय दिपक कुमार भगतलाई टोखा नगरपालिका(१० सामाखुसी चोकस्थित सडकबाट प्रहरीले पक्राउ गरेको छ ।
यसैगरी काठमाडौं महानगरपालिका-३२ पेप्सीकोला चोकस्थित सडकबाट नियन्त्रित लागूऔषध बुप्रेनोर्फिन ५७ एम्पुल, डाइजेपाम ५६ एम्पुल र फेनारगन ६० एम्पुल सहित बारा निजगढ नगरपालिका(९ ठेगाना भएका २६ वर्षीय बिकेन्द्र सुवेदीलाई आइतबार साँझ प्रहरीले पक्राउ गरेको छ ।
लागूऔषध नियन्त्रण व्यूरो कोटेश्वरबाट खटिएको प्रहरीले उनलाई पक्राउ गरेको हो ।
यसगरी काठमाडौं महानगरपालिका-९ गौशलास्थित सडकबाट नियन्त्रित लागूऔषध डाइजेपाम ८ एम्पुल, बुप्रेनोर्फिन ८ एम्पुल, र फेनारगन ८ एम्पुल सहित रौतहट चन्द्रनगर नगरपालिका-८ ठेगाना भएका २१ वर्षीय विशाल बस्नेतलाई आइतबार बेलुका प्रहरीले पक्राउ गरेको छ ।
लागूऔषध नियन्त्रण व्यूरो कोटेश्वरबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
आफ्नो प्रतिकृया दिनुहोस्