पर्वत । कुश्मा नगरपालिका-६ शिवालय चोकबाट जुवातास खेलिरहेको अवस्थामा ६ जनालाई नगद ७६ हजार ९ सय ६५ रुपैयाँ, तास र जुवा खेल्न प्रयोग भएको कम्बल सहित सोमबार दिउँसो प्रहरीले पक्राउ गरेको छ ।
पक्राउ पर्नेहरुमा कुश्मा नगरपालिका-४ बस्नेहरु २७ वर्षीय पवन गुरुङ, ४० वर्षीया सुन कुमारी गुरुङ, सोही नगरपालिका-९ बस्ने ५५ वर्षीय गोबिन्द अधिकारी, सोही नगरपालिका-५ बस्ने ४८ वर्षीया कुशा गुरुङ, सोही नगरपालिका-६ बस्नेहरु ५५ वर्षीय धर्मराज गुरुङ र ३७ वर्षीया शान्ति गुरुङ रहेका छन् ।
जिल्ला प्रहरी कार्यालय पर्वतबाट खटिएको प्रहरीले उनीहरुलाई पक्राउ गरी यस सम्बन्धमा थप अनुसन्धान गरिरहेको छ ।
आफ्नो प्रतिकृया दिनुहोस्