प्रधानमन्त्री ओली र मोदी बिच फोन वार्ता : नेपाल भ्रमणको निम्तो

काठमाडौँ । बुधबार बिहान भारतीय प्रधानमन्त्री नरेन्द्र मोदीलाई प्रधानमन्त्री केपी शर्मा ओलीले टेलिफोन मार्फत नेपाल भ्रमणको निम्तो दिएका छन् ।

टेलिफोन मार्फत प्रधानमन्त्री ओली र मोदीबिच भएको कुराकानीमा नयाँ बर्ष २०२० को शुभकामना आदानप्रदान समेत भएको थियो ।

प्रधानमन्त्री ओलीले सामाजिक संजालमा ट्वीट गर्दै आफु र भारतीय समकक्षी बिच टेलिफोन सम्पर्क भएको बताएका छन् । ‘श्री नरेन्द्र मोदीजीसँग मेरो फोन वार्ता भयो’, उनले लेखेका छन्, ‘हामीले नयाँ बर्ष २०२० को शुभकामना आदानप्रदान गर्यौँ ।’

This morning I had telephone conversation with @PMOIndia Prime Minister of India Shri Narendra Modiji. We exchanged new year's greetings and best wishes. We shared that the year 2019 proved to be successful in elevating bilateral ties to new height

— K P Sharma Oli (@kpsharmaoli) January 1, 2020

समग्रमा २०१९ राम्रो र फलदायी भएको तथा नेपाल भारत सम्बन्ध नयाँ उचाइमा पुगेको प्रधानमन्त्री ओलीले बताएका छन् । बाँकी समस्या समाधान गर्दै सम्बन्धलाई अझै उचाइमा पुर्याउनका लागि सन् २०२० सफल रहने दुवै प्रधानमन्त्रीले विश्वास लिएको उनले बताएका छन् ।

टेलिफोन सम्पर्कमार्फत प्रधानमन्त्री ओलीले नेपाल भ्रमण बर्ष २०२० को अवसरमा मोदीलाई नेपाल भ्रमण गर्न आग्रह गर्दै भ्रमणको निम्तो दिएका हुन् ।