मोरङ । रतुवामाई नगरपालिका-१ आमवारी-बरडंगास्थित बोडर आउट पोष्ट चुनिमारीबाट नियन्त्रित लागूऔषध नाइट्राजेपाम १ सय ३५ ट्याबलेट सहित २ जनालाई सोमबार दिउँसो प्रहरीले पक्राउ गरेको छ ।
पक्राउ पर्नेहरूमा उर्लाबारी नगरपालिका(२ मंगलबारे बस्ने २९ वर्षीय जिवन थापा र सोही स्थान बस्ने २३ वर्षीय रुपेश खड्का रहेका छन् ।
ईलाका प्रहरी कार्यालय सिजुवाबाट खटिएको प्रहरीले मे-४ प ७७९२ नम्बरको मोटरसाइकलमा सवार उनीहरूलाई जाँच
गर्ने क्रममा उक्त परिमाणको लागूऔषध सहित फेला पारी पक्राउ गरेको हो ।
यसैगरी म्याग्दीको बेनी नगरपालिका(७ मंगलाघाट बस्ने २५ वर्षीय मनोज खत्री र उनकै भाई २२ वर्षीय आशिष खत्रीलाई नियन्त्रित लागूऔषध डाईजेपाम १ सय ४ एम्पुल, फेनारागन १ सय ४
एम्पुल र नोर्फिन १ सय ६ एम्पुल सहित सोमबार बेलुका प्रहरीले पक्राउ गरेको छ ।
उनीहरूले आफ्नै घरमा लागूऔषध बिक्री बितरण गरेको छन् भन्ने खबर प्राप्त हुनासाथ जिल्ला प्रहरी कार्यालय म्याग्दीबाट खटिएको प्रहरीले खानतलासी गर्दा उक्त परिमाणको लागूऔषध सहित फेला पारी पक्राउ गरेको हो ।
आफ्नो प्रतिकृया दिनुहोस्